Recursos dixitais (I)

A rede é unha caixa de sorpresas, tanto positivas como negativas. Nela podemos atopar de todo. Comezo agora a etiquetar uns mini-posts como #resources, onde poderedes atopar publicacións, documentos de traballo e recursos en formato pdf.

A editoral Traficantes de sueños ofrece de balde a versión en pdf dun dos grandes xeógrafos do século XX, Edward Soja. Trátase de “Postmetrópolis. Estudios críticos sobre las ciudades y las regiones”. En papel custa 35 euros, pero o pdf é ofrecido de balde pola editorial. Moi recomendable para todos os interesados en Xeografía Urbana, Urbanismo e cuestións de Socioloxía Urbana.